ХЗХ-ны бодлогыг хэлэлцэнэ

"Хөгжлийн төлөө хамтдаа" уриатай хадгаламж, зээлийн хоршоодын Үндэсний хоёрдугаар форум маргааш Төрийн ордонд эхэлнэ. Монголд хадгаламж, зээлийн хоршоод үүсч хөгжсөний 20 жилийн ойн хүрээнд тус форумыг зохион байгуулж буй юм. 

Форумд Азийн Хадгаламж зээлийн хоршоодын холбоо, БНСУ-ын Хадгаламж зээлийн хоршоодын холбоо, Канад Улсын хоршоодын төлөөлөл, Монголын хоршооллын нэгдсэн холбоо зэрэг гадаад, дотоодын олон байгууллагын төлөөлөгчид оролцоно. 

Тус чуулганы үндсэн хуралдаанаар Хадгаламж зээлийн хоршооны хөгжлийн бодлогын асуудлыг, салбар хуралдаануудаар хамтын ажиллагаа, туршлага, үйл ажиллагааны онцлог зэрэг асуудлуудыг хэлэлцэнэ. 

Let's block ads! (Why?)

Ц.Мөнх-Оргил мэдээлэл хийнэ

ГХ-ны сайд  Ц.Мөнх-Оргил өнөөдөр 13:00 цагаас цаг үеийн асуудлаар хэвлэлийн бага хурал хийхээр болжээ. Түүнийг  14 тэрбумын өртэй гэх мэдээлэл сошиалаар  цацагдаад байгаа. Тэрбээр хэвлэлийн хурлын үеэр энэ асуудалд тайлбар хийх бололтой. Хэвлэлийн хурал Төрийн ордны Нутгийн удирдлагын танхимд болох юм.

Н.Энх

Let's block ads! (Why?)

Анагаахын хоёр оюутан Японы 100 хувийн тэтгэлэг авлаа

Манай улсаас Японы Олон улсын эрүүл мэнд нийгмийн халамжийн их сургуулийн Анагаах ухааны факультетад  100 хувийн тэтгэлэгтэйгээр хоёр оюутан суралцахаар болжээ.

Тэтгэлэгт оюутнаар Анагаахын шинжлэх ухааны үндэсний их сургуулийн хоёрдугаар дамжааны оюутан Талгатын Тилеубек, Ганбаатарын Төмөржин нар сонгогдсон байна. Т.Тилеубек, Г.Төмөржин нарт тус сургуулийг төгсөх хүртэлх зургаан жилийн сургалтын төлбөр, хичээлийн хэрэглэлийн зардал, амьжиргааны зардал зэрэг тус бүр хамгийн ихдээ 30 сая иений тэтгэлэг олгох аж.

Ирэх оны дөрөвдүгээр сараас Анагаах ухааны факультетийг шинээр нээн ажиллуулах гэж буй Олон улсын эрүүл мэнд нийгмийн халамжийн их сургууль нь олон улсад ажиллах анагаах ухааны мэргэжилтэнг бэлтгэх болон Ази дахь эрүүл мэнд, эмчилгээ үйлчилгээг хөгжүүлэх зорилгоор Азийн улс орнуудаас 20 оюутныг суралцуулахаар шийдвэрлэсний дотор Монгол Улсаас хоёр оюутан сонгогдсон нь энэ юм.

Let's block ads! (Why?)

Хөгжлийн банкны хэрэгт 4-5 хүнийг шалгаж байна

Прокурорын байгууллагаас өнөөдөр хэвлэлийнхэнд мэдээлэл хийлээ. Энэ үеэр Хөгжлийн банкийг тойрсон асуудлаар тодруулсан сэтгүүлчийн асуултад нийслэлийн Прокурорын хяналтын прокурор Б.Бясман "Хөгжлийн банкны удирдлагуудтай холбоотой хэрэг мөрдөн байцаалтад шалгагдаж байна. Одоогоор хэргийн улмаас хэдий хэр хэмжээний хохирол үүссэн асуудал тодорхой болоогүй. Хохиролтой холбоотой шинжээч томилж, шаардлагатай ажиллагаануудыг хийж байна. 

Удирдлагуудтай холбоотой хэрэгт нийт 4-5 хүнийг холбогдуулан сэжигтнээр татан шалгаж эхэлсэн. Мөн Хөгжлийн банкны гүйцэтгэх захирлаар ажиллаж байсан Н.Мөнхбатыг аравдугаар сарын 11-ний өдрөөс эхлэн сэжигтнээр тооцон таслан сэргийлэх арга хэмжээг авч Сүхбаатар дүүргийн Эрүүгийн хэргийн анхан шатны шүүгчийн захирамжаар хорьсон" гэх хариултыг өглөө.

В.Бат

Let's block ads! (Why?)

Хотын замд 56 тонн бодис цацжээ

2016 оны 10 сарын 24-ний оройн 21 цагаас эхлэн Нийслэл хотод хур тунадас орсон бөгөөд авто замын хөдөлгөөнд хүндрэл үүсгэхээс урьтаж, Хот тохижилтын газар шуурхай арга хэмжээ авч ажиллаж байна. 22 цагт тусгай зориулалтын тоноглогдсон хоёр машин, шөнийн 03 цагт нэмэлтээр долоон машин тус тус гаргаж, нийт 56 тн бодис цацаж ажиллалаа. Ингэхдээ хариуцдаг авто зам болон халтираагаа, гулгаа ихтэй гудамж, уруу, өгсүүр замууд, мөн Замын Цагдаагийн Газрын дуудлагаар доорх замуудад бодис цацав. Үүнд Энхтайваны өргөн чөлөө, Яармагийн товчоо, Энхтайваны гүүр, Богд уулын арын зам, Нисэх,  Яармагийн  зам, Их тэнгэрийн ам, Засгийн газрын ордны хоёр тал, Нүхэн гарц, 32-с хойш, Долоон буудал, Дөлгөөн нуур, Төв шуудан, Багшийн дээд, Гадаад хэргийн Яам, Олимпын гудамж, Чингисийн өргөн чөлөө, 22-ын товчоо, Баян хошууны өгсөж  урууддаг зам, Ард Аюушийн гудамж, Чингүүнжав, Хасбаатарын гудамж, Нарны гүүрний  өгсөж урууддаг зам, Туннель, Цайз, Шар хадны гудамжнуудад цас хайлуулах бодис цацлаа. Тус газрын Тохижилт үйлчилгээний албаны зам талбайн үйлчлэгчид хариуцсан зам талбайнхаа явган хүний замын цасыг шүүрдэж, халтираагаа гулгаанаас урьдчилан сэргийлж, шуурхай ажиллаж байна гэж Нийслэлийн Хот тохижилтын газраас мэдээллээ. 

Let's block ads! (Why?)

Гурван хэрэгт эрүү үүсгэн шалгаж байна

Авлигатай тэмцэх газар энэ сарын 17-21-ний өдрүүдэд шинээр гэмт хэргийн шинжтэй 8 гомдол, мэдээлэл хүлээн авч, нийт 28 гомдол, мэдээллийг шалгав. Үүнээс 3 гомдолд эрүүгийн хэрэг үүсгэж, 5 гомдол, мэдээллийг эрүүгийн хэрэг үүсгэхээс татгалзах, 3 гомдол, мэдээллийг харьяаллын дагуу шилжүүлэх саналтайгаар прокурорт шилжүүлжээ. Ажиллагаанд 17 гомдол, мэдээлэл шалгагдаж байна.

Өнгөрсөн долоо хоногт эрүүгийн 57 хэрэгт мөрдөн байцаалтын ажиллагаа явуулсан байна. Шинээр 3 хэрэгт эрүү үүсгэн шалгаж эхэллээ.

Let's block ads! (Why?)

Зам тээврийн ослоор 29 хүн гэмтжээ

Амралтын өдрүүдэд зам тээврийн ослын улмаас 29 хүн гэмтэж, нэг хүний амь нас хохирчээ. Зам тээврийн осолд сургуулийн өмнөх насны 3, сургуулийн насны 4 хүүхэд өртсөн байна.

СХД-ийн нутаг Эмээлтийн зам, МТ ШТС-ын баруун замд T.Landcruiser маркийн авто машины жолооч У нь явган зорчигч 27 настай эрэгтэй Б- г мөргөж амь насыг нь хохироосон байна.

Мөн согтуугаар тээврийн хэрэгсэл жолоодсон нийт 91 жолоочийг илрүүлж гарч болзошгүй осол хэргээс урьдчилан сэргийлж ажиллажээ.

Let's block ads! (Why?)