Иргэдийн хурлын төлөөлөгчид хөрөнгө, орлогоо мэдүүлж байна
32 минутын өмнө
Аймаг, нийслэлийн ИТХ-ын 2016 оны сонгуулиар сонгогдсон төлөөлөгчид бүрэн эрхийг нь хүлээн зөвшөөрсөн тогтоол, шийдвэр гарснаас хойш 30 хоногийн дотор 2015 оны хувийн ашиг сонирхлын болон хөрөнгө, орлогын мэдүүлгээ гаргаж тухайн шатны ИТХ-ын ажлын албанд бүртгүүлэх үүрэгтэй байдаг.
ИХТөлөөлөгчид нь Авлигын эсрэг хуулийн 10 дугаар зүйлийн 10.3, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.3-т заасан хугацаанд хөрөнгө орлогын мэдүүлгээ бүртгүүлээгүй, хугацаа хожимдуулж мэдүүлсэн тохиолдолд тэдгээрт хариуцлага тооцох үндэслэл болох юм.
2016 оны 8 дугаар сарын 23-ны өдрийн байдлаар аймаг, нийслэлийн ИТХ-ын сонгуулиар сонгогдсон нийт 805 төлөөлөгчийн 93.5% нь хувийн ашиг сонирхлын болон хөрөнгө, орлогын мэдүүлгээ бүртгүүлээд байна.
Иймд Авлигатай тэмцэх газраас аймаг, нийслэлийн ИХТөлөөлөгчдийн мэдүүлгээ хуулийн хугацаанд бүртгүүлэх явцад зөвлөмж хүргүүлж, хяналт тавин ажиллаж байна.
0 comments:
Post a Comment